លោកឆែ សុធា មេគយមន្ត្រីគយខេត្តបន្ទាយមានជ័យ បង្កបញ្ហានៅលើផ្លូវជាតិល៥មិនអស់មិនហើយ
22-May-2016 | ដោយ មែន កំសត់
ឈ្មួញនិងអាជីវកររកស៊ីដឹកជញ្ជូនទំនិញ ក៏ដូចជាក្រុមអ្នករត់តាក់ស៊ីបានរិះគន់ខ្លាំងៗទៅលើក្រុមគយប្រចាំការនៅប៉ុស្ដិ៍ខាងលិចចំណុចកូនដំរី សង្កាត់និមិ្មត ក្រុងប៉ោយប៉ែត ដែលបង្កបញ្ហាមិនអស់មិនហើយ ព្រោះសកម្មភាពពួកគេមិនខុសពីក្រុមចោរប្លន់នោះទេ។ ការដែលសមត្ថកិច្ចគយប៉ុស្ដិ៍ខាងលិចចំណុចកូនដំរី ហ៊ានធ្វើអ្វីៗតាមអំពើចិត្តគឺដោយសារមានការបើកដៃពីលោក ឆែ សុធា ប្រធានសាខាគយខេត្តបន្ទាយមានជ័យ ដែលល្បីល្បាញខាងប្រព្រឹត្តអំពើពុករលួយដើម្បីផលប្រយោជន៍ផ្ទាល់ខ្លួន។ ដូច្នេះលោក គុណ ញឹម ដែលជាអគ្គនាយកនៃអគ្គនាយកដ្ឋានគយនិងរដ្ឋាករ គួរពិនិត្យមើលទង្វើរបស់មន្ត្រីគយក្នុងខេត្តបន្ទាយមានជ័យខ្លះផង ដើម្បីកុំឲ្យពួកគេប្រព្រឹត្តអំពើអាក្រក់ហួសហេតុតទៅទៀត។
ប្រភពពីសមត្ថកិច្ចបានឲ្យដឹងថា កាលពីល្ងាចថ្ងៃទី១៣ ខែឧសភា ឆ្នាំ២០១៦ មន្ត្រីគយដែលដាក់ប៉ុស្ដិ៍ប្រចាំការនៅខាងលិចភូមិកូនដំរី សង្កាត់និម្មិត ក្រុងប៉ោយប៉ែត បានបើករថយន្តប្រដេញរថយន្តតាក់ស៊ីដែលដឹកទំនិញបន្តិចបន្តួចក្នុងល្បឿនយ៉ាងលឿនធ្វើឲ្យប្រជាពលរដ្ឋមានការភ័យខ្លាចយ៉ាងខ្លាំង។ រថយន្តរបស់មន្ត្រីគយដែលប្រដេញរថយន្តតាក់ស៊ីបានបើកបុកនិងបិទផ្លូវពីមុខរថយន្តតាក់ស៊ីបណ្ដាលឲ្យមានគ្រោះថ្នាក់ចរាចរណ៍កើតឡើងយ៉ាងរន្ធត់ ហើយមន្ត្រីគយដែលរួមដំណើរជាមួយអ្នកបើករថយន្តប្រដេញបានចាប់អូសអ្នកបើករថយន្តតាក់ស៊ីយកមកវាយតប់យ៉ាងសាហាវព្រៃផ្សៃដូចក្រុមចោរប្លន់។ បញ្ហានេះធ្វើឲ្យប្រជាពលរដ្ឋរិះគន់យ៉ាងខ្លាំងទៅលើសកម្មភាពមន្ត្រីគយប៉ុស្ដិ៍ជជុះចំណុយកូនដំរី ដែលពួកគេសាហាវព្រៃផ្សៃខ្លាំងណាស់។
ប្រភពពីមន្ត្រីរាជការនិងសមត្ថកិច្ចនគរបាលនៅក្នុងខេត្តបន្ទាយមានជ័យ បានឲ្យដឹងថា ប៉ុស្ដិ៍គយនៅចំណុចកូនដំរី សង្កាត់និម្មិត គឺជាកុងត្រូលជជុះសុទ្ធសាធពួកគេតែងស្ទាក់ឃាត់រថយន្តដឹកទំនិញយកលុយតាមអំពើចិត្ត ហើយអ្នករត់តាក់ស៊ីដែលដឹកទំនិញបន្តិចបន្តួចត្រូវប្រឈមនឹងការគាបជំរិតយកលុយតាមអំពើចិត្ត។ ផ្ទុយទៅវិញមន្ត្រីគយទាំងនោះបានបើកដៃឲ្យក្រុមឈ្មួញធំៗដឹកជញ្ជូនទំនិញគេចពន្ធ និងទំនិញខុសច្បាប់យ៉ាងពេញបន្ទុក ដើម្បីជាថ្នូរនឹងផលប្រយោជន៍ដែលឈ្មួញទាំងនោះបង់ប្រចាំជើងនិងប្រចាំខែ។ ករណីមន្ត្រីគយបង្កគ្រោះថ្នាក់ចរាចរណ៍គួរឲ្យញាក់សាច់ កាលពីល្ងាចថ្ងៃទី១៣ ខែឧសភា ឆ្នាំ២០១៦ គឺលោក ឆែ សុធា មេគយខេត្តបន្ទាយមានជ័យ ក៏មានចំណែកទទួលខុសត្រូវផងដែរ ព្រោះបើគ្មានការបើកដៃពីលោក ឆែ សុធា ទេមន្ត្រីគយប៉ុស្ដិ៍កូនដំរី មិនហ៊ានប្រព្រឹត្តអំពើសាហាវព្រៃផ្សៃយ៉ាងក្រអឺតក្រទមឡើយ៕
ចំនួនអ្នកទស្សនា
- ថ្ងៃនេះ2531
- ម្សិលមិញ4251
- សប្តាហ៍នេះ29121
- ខែនេះ223721
- ឆ្នាំនេះ223721
- សរុប20666177